أمين سوق الجملة بمدينة أكتوبر: “أسعار الفاكهة والخضار هترتفع بشكل جنونى الأيام اللى جاية”.
هذة الجملة كانت تلخيص لحوار قام بة محسن الفيومى وهو أمين سوق الجملة بمدينة السادس من أكتوبر مع مصراوى.
وقال محسن الفيومى فى حوارة مع مصراوى أن أسعار الجملة الأن بعدما ارتفعت أسعار المواد البترولية مثل البنزين والسولار رخيصة.
الطماطم أرتفع سعرها من جنية وربع إلى 2 جنية للكيلو، البتنجان من جنية إلى 2 جنية، الجزر من جنية ونصف إلى 2 جنية، البصل من جنية ونصف إلى 2 جنية.
وتابع الفيومى: “تلك الأسعار لا تتناسب نهائى مع سعر السوق لأنة حينما تعلم بان سعر الجملة يباع فى السوق بجنية و 2 جنية هذة كارثة”.
وعلل محسن الفيومى السبب بأن سعر البيع أعلى من سعر التكلفة الفعلية للفدان بالنسبة للمزارع حيث قال: ” الكيلو بيكلف المزارع فى حدود 2 جنية لأنتاجة وعملية نقل بتكلف جنية 75 قرش يعنى التكلفة الأجمالية بتاعت إنتاج ونقل الكيلو يعنى كيلو الخضار والفاكهة الموجود عندك فى السوق تتراوح مصاريف تكلفتة الفعلية من 3 جنية إلى 3 جنية ونصف”.
وأضاف: “يبقى لما تعرف إن الكيلو بيتباع فى سوق الجملة بـ 2 جنية و2 جنية ونصف تعرف إن دى كارثة وإن المزارع أو الفلاح بيتحمل خساير من جنية إلى جنية ونصف فى الكيلو”.
وتابع: “دلوقتى الفلاح بعد 3 شهور اللى كان بيزرع 20 فدان هيزرع 10 بس لأنة بيخسر مش بيكسب حتى ولو هامش ربح بسيط”.
ودة هيأدى لأن اللى معروض فى السوق هيقل ولما المعروض يقل الأسعار هترتفع بشكل جنونى.
وعن أسعار البنزين قال الفيومى: “أسعار البنزين مأثرتش بشكل كبير على الأسعار لأن العربية اللى كانت بتشيل طن ونصف بتدفع بنزين 100 جنية بقى 150 يعنى تكلفتة على الطن ونصف 3 قروش شئ لا يذكر والبضاعة دلوقتى مبتتباعش وبسبب حرارة الجو بتترمى فى الزبالة”.
وأختتم كلامة قائلاً: “مفيش تاجر يقدر يتحكم فى أسعار السوق ولازم يبقى فى رقابة على مستلزمات الأنتاج لأن كدة الأنتاج هيقل والطلب زى ما هو فا الأسعار هترتفع بشكل جنونى وإحنا مش عايزين كدة ولا برضوا عايزين التاجر يخسر”.